Real Madrid he Champions League hrai voi 3 pehtlai in a thlir kho cang mi le pumpululh a celh chung champions League voi 5 tiang a thlir kho cang mi Ronaldo nih hmailei a si ning kong cu puai a dih hnu ah a chim. Ronaldo nih Real Madrid he hmailei kan si ning kong ka chim kho lo tiah puai dih ah a rak chim. Kum 33 a si cang mi Ronaldo cu Champions League hrai voi 5 tiang a thlir kho mi zaanglek pakhat a rak si.


“Ka tuah ding tampi a um rih. Thil pakhatkhat cu a cang deng cang ko lai” “Tu ah cun chim awk tha rih lo. Zei catiah mipi nih a kan dawt tuk ruang ah a si.”


C.Ronaldo cu Real Madrid he 2021 kum tiang pehtlaihnak ngei mi an si. Tu bantuk in club in ka chuak lai tiah a chim chung mi cung ah ka ngai chih lai lo tiah a ti.


“Zei hmanh ka chim kho rih lo. Kan president¬†Florentino P√©rez he tonbiaruahnak zong kan ngei rih fawn lo. Real Madrid ah ka um chung cu a numbik a si ko. Tucu kum 3 pehtlai in teinak kan hmuh mi cung ah i nuam ding a si. Nuamh caan ah cun hmailei sining kong cu chim a herh tuk mi silem lo. Zei si paoh ah tuanbia thar kan tial kawh” tiah a chim.


Champions Lague final puai ah goal a thun khawh lo mi cung ah nalung rawk maw timi biahal nak ah “Ho nih dah chim? Champions League cu CR7 champions league ti hmanh in min pek khawh a si. Ho nih dah champions league sil tambik a thlir khawh? Goal tambik zong ho nih dah a thun khawh?” tiah Ronaldo nih a chim.

#Goal

Add comment