Real Madrid star Cristiano Ronaldo nih Eurpoean a sangbik zuamnak a simi Champions League min cu CR7 Champions League zuamnak tiin thlen a hau tiah a chim. Real Madrid nih nizaan Kyiv Final ah Liverpool cu goal 3-1 in an rak tei hna. Champions League hrai zong kum 3 pehzulh in an rak co bantuk in Portugal star C.Ronaldo zong nih Champions League hrai cu voi 5 tiang a thlir kho mi a rak si.

C.Ronaldo cu nizaan Liverpool he puai ah goal a thun kho lo. Sihmanh sehlaw Gareth Bale nih goal 2 a thun khawh caah an rak tei nak si. Tu Real Madrid he hmai le kong a fiangfai setsai ti lomi Ronaldo cu tukum zong Champions League ah goal 15 tiang a thun khomi a si. Champions League ah goal thun tambik voi 7 tiang a co kho mi zong a si. Cucaah C.Ronaldo nih Champions league cu CR7 Champions League zuamnak tiin thlen ding a si tiah a chim.

Image result for real madrid

C.Ronaldo nih “Tukum zong ho dah goal thun tambik? Champions League zuamnak cu CR7 Champions League zuamnak tiah thlen ding si cang. Champions League hrai cu voi 5 tiang ka thlir khawh i tukum ah goal thun tambik zong ka si than. Cucaah ka chim mi bia cung ah i ngaih chih ding zei hmanh a um lo” tiah a ti.


Marcelo nih Real Madrid he hmai le sining a fiangfai tilo mi C.Ronaldo cu Real ah a um rih lai tiah a zumh nak a chim. Marcelo nih “Kei mah nih Ronaldo cu Real Madrid ah a um rih lai tiah ka zumh. Sihmanh sehlaw zei dah a cang telai ti cu ka hngal lo. Tu lio ahcun ka nuam tuk rih. Hmailei a sining ko biakhiah tu cu kei mah ka si lo. Amah le Club nawlngei tu pawl an rian a si. Sihmanh sehlaw ka hin a um rih ko lai tiah ka ruah.”

Image result for marcelo

#Champions League

Add comment