Real Madrid zaanglek hlun si mi Raul nih tukum Champions League hrai cu Real Madrid caah si te ko lai tiah a chim. Real Madrid nih a luancia kum 2 pehzulh in champion an rak si bantukin tukum zong final tiang an phak khawh tthan caah kum 3 pehzulh in champion lakding in zumh an si.


Raul nih “Liverpool cu tukum an i celh ning an thatuk. Sihmanh sehlaw final puai a chui bal mi an si lo caah Real Madrid cu an tei lai ka zum lo. An rak i zuamnak van zoh than ah Real Madrid cu PSG, Juventus le Bayern Munich, an mah le League cio ah champion si mi club lawng te cu an rak te thluah mah hna.”


“Final ah cun hmuhtonnak nih bia chim ngai te lai. Kei nih cun an club pahnih ning in an thiamnak a khat in ka hmuh hna sihmanh sehlaw hmuhtonnak tamdeuh a ngeimi Real Madrid nih an tei te lai” tiah a chim.

#HA

Add comment