Portugal le Real Madrid super star C.Ronaldo cu ESPN nih thim mi vawleicung mithangbik zaang lentecelh minung (100) ah a mah nih top (1) in a thithruai hna. Mah tin a thithruai khawh mi hna hi kum 3 pehtlai in a si cang. Basketball minthang LeBron James le a bikin a zuamcawh tu Lionel Messi cu a tei deuh hna.


Mah zaanglek (100) chung i top (10) chung ah Pumpululh zuamnak lein C.Ronaldo, Messi le Neymar lawng an rak i tel. Kum 33 a si cangmi Ronaldo cu social media ah followers tam bik le internet ah a kawl tu tambik a si.


Brazil star Neymar cu PSG club ah Euro 222nuai in a rak i thial i vawlei cung a mansang bik a si hnu ah top (10) ah a rak i tel nak a si. A dang zaanglek ah LeBron James nih top (2) nak ah a um i Lionel Messi cu top (3) nak ah a rak um.


Tennis min thang Roger Federe cu top 5 ah a um i Tiger Woods(Golf), Kevin Durant(Basketball), Rafael Nadal(Tennis), Stephen Curry(Basketball) le Phil MIckelson(Golf) hna cu a chang tein an rak um. 11 in 20 chung ah Pumpululh zaanglek pakhat lawng a tel khawh i Real Madrid zaanglek Gareth Bale (19) nak ah a rak i tel kho.


Mah an thim ning cu Social Media, Sponsar pehtlaihnak le internet ah mipi nih kawl/zoh deuh mi cung ah ESPN nih an thim mi a si. Mah an thimmi lak ah C.Ronaldo cu top (1) ah fek tein a dir kho i a dang zaanglek pawl cu a tei dih hna.

 

#ESPN

Add comment