Liverpool hnu kham hlun simi John Arne Riise nih M.Salah cu 2018 kum caah Ballon d’Or laksawng lak ding in aa tlak tiah a chim. Champions League final ah Liverpool caah sil a lak bu in mah Ballon d’Or zong a lak chih te ko lai. Salah nih tukum chung Premier League ah goal 32 tiang a thun khawh i golden boot zong a  co. Kumkhat chung Liverpool caah goal 44 tiang thun kho mi zong a si.

Image result for John Arne Riise

Salah cu tukum chung ah a thiam chuak khun i Premier League golden boot le PFA kum khat chung thiambik laksawng zong a rak lak.

Image result for John Arne Riise
Liverpool cu a ralaimi zarhteni ah Kiev khua ah Real Madrid he final a zuam ding an si cang. Salah nih Liverpool cu final ah sil a thlir pi hna ahcun Ballon d’Or laksawng caah a luancia kum 10 chung a thiambik Messi le Ronaldo lawnh in a co khawh lai.

Image result for John Arne Riise

Liverpool he kum 2005 lio ah Champions League a la kho mi Riise nih “Salah cu teinak hmuh ding caah a biatak tuk mi a si. Cun a mirh kho peng mi a si i club caah fak pi in thazang chuah rian tuan mi zong si. Tukum chung ah khuaruah har thil a tuah leng mang mi zong kan hmuh. Keimah caah cun a nih cu Ballon d’Or laksawng he a tlak tiah” a ti.

Image result for John Arne Riise
Cun Liverpool nih Champions League final ah Real cu an tei hrimhrim hna lai. Kan hmaikal pathum cu tulio vawlei cung zaanglek lak ah a thiam bik an si. Zei club paoh harnak an pek khawh dih lai timi cu Real Madrid nih an rak theih ve ko lai. Mah final puai cu goal tamnawn in kan hmuh te lai. Sihmanh sehlaw donghnak ah Liverpool nih Champion sil cu an thlir te ko lai.

Image result for liverpool

#champions league

Add comment