Spain le Real Madrid Manager hlun simi Del Bosque nih a ralaimi May 27 , Champions League final ah a tong dingmi Real Madrid le Liverpool an i zuam hlan ah Liverpool zaanglek lak ah Real Madrid lei goal thun kho ding an um lo tiah a ti.

Image result for liverpool vs real
Liverpool nih Roma cu an tei hna i Kyiv khua an kal khawhnak a si. Cun Real Madrid zong nih Bayern Munich an rak tei ve caah final cu kum 3 pehzulh in an phak nak a si. Liverpool hmaikal M.Salah nih Liverpool cu final tiang a thithruai khawh hna. Champions League puai 12 ah goal 10 a thun khawh. Sihmanh sehlaw Del Bosque nih M.Salah nih Real lei ah goal a thun kho lai lo tiah a ti.


“Real Madrid club nih zaanglek thatha an ngei. Cun European ah a thiam bik club an si fawn.” “Mah final zuam ni ah an si ning taktak cu a lang te ko lai. Real Madrid nih Liverpool cu goal 4-1 in an tei te hna lai”


“Kei cu Real Madrid zaanglek pawl nak in a thiam deuh mi zaanglek Liverpool ah ka hmu hna lo. M.Salah he hmanh a si kho lo”


“Benzema le Bale cu a thatuk mi an si” “Benzema cu a thiamtuk mi zaanglek pakhat a si. A caan ah a daituk mi a si. Sihmanh sehlaw khuaruah har thil tuah kho mi a si ve. Cristiona Ronaldo tu cu an za te thatnak ding caah a bawmchan tu a si” tiah a chim.


Del Bosque cu Real Madrid ah 1968 kum in 1984 kum tiang a rak i celh i puai 445 tiang a celh mi a si. A dinh hnu zong ah Real Madrid ah voi 3 tiang Manager a rak tuan bal mi zong a si.

#IS

Add comment