Taylor Swift le Selena Gomez cu a dawtuk mi hawikom BFF an si. Selena Gomes cu a hawinu a tanhnak lungthin a van langhter. May thla 19 ah tuahmi Taylor Swifr show ah a a hawinu he cu state cung ah hla an sa ti.


Taylor Swift nih mipi 60000 cu California Pasadena, Rose Bowl ah Suprise a rak tuahna. A dawt bik a hawi Selena Gomez he show caah an pahnih tein rehearsal an tuah lio hmanthlak pawl cu Taylor Swift nih amah Instagram Story ah a rak tar. A dawttuk mi a hawi nu he timhtuahnak an ngeih tti mi cung ah a rak i nuam khun rua. Show an tuah hlan ah Taylor Swift nih ‘Hand to Myself hla cu Pop ah minthang simi he kan sa tti lai tiah a rak ti. Gomez zong nih “a tha Taylor nih mah hla hi a uar tuk, mah caah kei mah zong ka nuam a dawt zong ka dawt” tiah a leh than. Swift nih “mah hla cu ka duhbik hla a si” tiah a chim ve.

 


An pahnih tein an saktimi video file cu Taylor Swift nih Instagram ah a rak tar i “Ka herhnak caan paoh ah  rak ka chuah hnawh i, tu zaan zong ah mipi thinlung a hlauh khun hna. Kan dawt tuk fawn cun Rose Bowl ah um mi mipi  60000 zong nih an i dawt ve” tiah a tial.


Gomez zong nih hla a sak lio ah a dawtbik a hawi caah bia a chim ve i “bia ka khiah cangmi cung ah a ka soisel bal lo mi, thazaang pe tu ka ngeih lo caan zong ah thazaang a ke pe bik tu, cun ka sining zong a ka thleng tu. Ka pawng ah nangmah le ka chungkhar an um lo cun a lungthawng mi ka si kho lai lo” tiah a chim. Taylor show ah Julia Rob, Rebel Wilson, Amber Rose le Bill Nye hna zong an i tel caah mipi caah cun Suprise ah a cang. Swift i Reputation Stadium Tore cu North America, European le Oceania hna zong ah November thlachung ah tuah an i tim than.

#usmagazine

Add comment