Barcelo an zaanglek thing si mi Rivaldo nih SPORT NEWS he tonbiaruahnak ah Barcelona ah Coutinho a rak i thial mi hi a thatuk mi si. Neymar Barcelona in a chuah bal te hi cu a palh ko tiah a chim. Cun Ronaldo le Messi kal lak i an i dan nak a hmuh ning zong a chim chih.


A hmsabik ah Liverpool in Barcelon ah a rak i thial mi Coutinho kong he pehtlai in “Barcelona a rak phak hi a nuam tuk lai ti cu ka zumh. Liverpool ahcun zei sil hmanh a thilr kho lo. Sihmanh sehlaw ka ahcun sil pa 2 a thlir khawh cang. A caah Barcelona cu a tling dih. Cun amah zong zei tluk in dah a that timi mipi nih an hmuh te lai” tiah a chim.

Neymar nih Barcelona a chuahtak mi hi a dik tiah ka chim ngam lo. Amah nih vawlei cung thiam bik zaanglek si duh ah cun PSG club cu a tha ko nain European tuanbia le Champion League ah tuanbia tha ngeimi an si lo. Cun Ligue One cu Premier League, Bundes Liga, Laliga te nak in a niam deuh mi League a si i Neymar caah cun a palh deuh ko. Sihmanh sehlaw chungkhar lei in le phaisa lei in cu a dik mi cu a si ve.

Ballon d’Or co duh mi nih cun Champion League sil co hmasat an herh. PSG cu Frience ram chung sil vial te la kho hna hmanh seh law Champions League tu ah cun zuam deuh an hau rih” tiah a chim. Cun tu lio an buai bik mi Messi le Ronaldo ah ho dah thiam deuh ti mi kong ah a hmuh ning a van chim than.


“Tulio mipi nih kan uar mi le kan zoh deuh mi cu Champions League a si. Tu ah cun a thiam bik cu Ronaldo a si ko. Kei mah ka hmuh ning ah Messi cu bawlung tlaih lei ah a thiam deuh. Sihmanh sehlaw Ronaldo a zuamning zong u pat lo awk a tha lo. Elclasico puai lio ah a thei bik ko” tiah a chim.┬áCun Rivaldo nih Barcelona zaanglek lak ah Kluivert he a theithiam bik kan si cun Brazil ram caah cun Ronaldo hi a si tiah a chimchap.

#Laliga

Add comment