Brazil zaanglek thing a si mi Pele nih  Messi, Ronaldo te cu Neymar nih a tei khawhnak ding lam pakhat a ngei. Neymar cu Messi, Ronaldo te bantuk in Ballon d’Or laksawng tampi a co rihlo nain World Cup ah an pahnih cu lonh in sil co kho ding dir hmun a ngei tiah a chim.

A ralai mi caan ah World Cup cu thok ding a si cang. Neymar cu Brazil, Messi cu Argentina, Ronaldo cu Portugeal hna i hruaitu ding an si. Mah lio caan ah Pele nih a hmuh ning a chim mi a si.

Pele nih “Neymar cu Messi, Ronaldo te bantuk in Ballon d’Or laksawng cu voi 5 tiang a co kho ding a si lo. Sihmanh sehlaw World Cup ah an pahnih lonh in sil co kho mi a si. Zei catiah Neymar cu World Cup ah tu hnu voi 2 tiang celh kho ding dir hmun a ngei. Cun tulio Brazil team cu zaanglek thatha lawng te in dirhmi an si caah World Cup ah champion an si kho. Cun Messi le Ronaldo te caah cun tu World Cup hi an dongh nak World Cup a si kho mi a si” tiah a chim.

Image result for pele images

Pele chim bang in Messi le Ronaldo nih Ballon d’Or laksawng cu an raklak lengmang ko na in World Cup tu cu voikhat te hmanh an co kho rih lo. Tulio ah Messi cu kum 31 a tling cang lai. Cun Ronaldo zong kum 33 a luan cang mi a si i a ralaimi 2022 World Cup ah tel kho ding in a fiang ti lo. Tutan World Cup zuamnak cu an pahnih caah a donghnak World Cup a si kho mi a si.

 

#momolay

Add comment