Barcelona an hmai kal a si mi Messi cu Laliga ah Arpil thla chung thiambik laksawng cu a co tiah theih a si. Messi nih Arpil thla chung Barcelona caah goal 6 a thun khawh i Laliga zong ah champion a can ter hna.
Messi cu tu kum April thla chung ah a thiam chuak khun bik thla a si. April thla chung ah Hat-trick voi 2 tiang a hmu i, Deportivo he puai a dih ah Laliga champion an si.

Mah laksawng cu a ralaimi zarhpini zaan ‘Nou Camp’ certual pi ah Ral Sociedad he Laliga donghnak puai zuam dih in pek a si te lai. Messi cu tukum chung Laliga ah goal 34 tiang a thun khawh caah Laliga golden boot le European golden boot co ding in a fiang pah cang.

Messi cu tukum chung ah vawlei cung thiambik laksawng co ding tluk in a thiam a chuak. Sihmanh sehlaw European ah teinak an hmuh lo mi hi vawleicung thiambik laksawng hmu ding caah dawnkhan tu bik a si te lai.


Messi le Barcelona cu Champions League Quater final ah Roma nih an rak tei hna i, MessiĀ  zuamcawh tu thabik Ronaldo le Real Madrid tu nih cun Champions League kum 3 pehzulh in sil a thlir kho ding dirhmun an phan.

Real Madrid nih Champions League sil an thlir khawh a si cun Messi nih a ralaimi World Cup ah champion si a herh. Cu lawng ah vawleicung thiambik laksawng cu Ronaldo sin in a chuh khawh than lai. World Cup ah teinak a hmuh lo cun ramchung i a lak mi laksawng pawl cu santlai lo a si ko lai.

#sport english

Add comment