Juventus goal keeper si mi Buffun nih hmailei a si ning kong chim a timh cang i pumpululh zuamnak in ka din cang lai tiah chim ding ka ngamh lo tiah a chim. Buffun cu kum 40 a si cang na in Juventus caah cun pakhatnak goal kham tu si peng rih i Italy team ca zong ah i celh than ding in timhtuahnak a rak ngei mi a si.


Italy caah puai 176 a celh cang. Buffun cu Champions League sil a thlir bal rih lo mi a si. Tukum Champions League Quater Final ah Real Madrid nih an rak tei hna. Sihmanh sehlaw Seri A le Copa Italia cup a thlir kho tu a si.
“tu lio ah cun ka kumkhua nih hmai lei ka sining kong tamtuk ka ruat kho lo. Thlakhat, zarhkhat tluk lawng timhtuahnak ka ngeih khawh cang” tiah Buffun nih Players’ Tribune ah Barcelona hnu kham Pique he interview ah a chim.

“Pique kei mah bantuk in a zuampeng mi caah cun tu lio caan hi zei tluk in dah a biapi ti cu na theih ko lai” “Kan kum u pa deuh i thanzang lei in zuamnak kan herh deuhdeuh. Zei catiah kum u pat nak nih thazang lei a kan derthawm ter tawn. Mah zong cu nangmah nih na theih mi a si ko”


“Kei mah cu Buffun ka si. Goal hmai ah um duh peng mi ka si. A luancia thla ah kei mah nak kum u pa deuh pawl he bia kan i ruah ah ka din cang lai tiah chimh ka timh deng tawn hna. Sihmanh sehlaw ka chim hna lo. Zei catiah ka din cang lai ti chim ding ka ngamh lo”


“Tu lio cu ka nuam tuk rih. Pumpululh celh ah ka nuam khun. Pumpululh certual chung in mipi au thawng hi ka uar khun mi si. Hawi le he certual chung ah kan i celh ti, puai a dih in biasong tlorh pah in thilthlen nak hmun ah kan kal hna. Mah kan sining pawl hi zei hmanh he thlen ka duh lo bik mi a si.


“Tu ka tih ti lo tiah ka chim ah cun lih ka chim bia si. Kei mah zong minung ka si caah caan khatkhat cun ka dinh hau te ko lai. Mah tik caah timhtuahnak ngeih chung ka herh.”


“Nang mah le kei mah bantuk zaanglek pawl cu ni khatkhat cun kan i din te ko hna lai. Sihmanh sehlaw mipi sin in a tlau kho ding phun kan si lo. Mah hi cu kan theih dih a herh. Kei mah zong nan mit hmuh ah ka um peng ko lai”

#ESPN

Add comment