Barcelona hmaikal hlun si mi Eto’o nih Barcelona caah Neymar cu um hlah hmanh sehlaw an thatuk thiamthiam ko. Sihmnah sehlaw Messi um lo tu ahcun an si kho lo tiah a chim. Barcelona club cu Messi a chuih lo caan ah zeimaw zat cu tei an rak i harh ko. Cun hmaikawl pawl zong ruahnak leng in an cawlcang kho lo.

A luan cia Liveanter he an i zuam ah Messi a tel lo caah Liveanter nih Barcelona cu an rak tei hna. Cun Barcelona zong tukum chung ah voikhat nak Laliga sunghnak an rak tong.

Eto’o nih “Barcelona team cu Neymar um lo zong ah an derthawm hlei lo kumkhat chung an tluang ko. Sihmanh sehlaw Messi um lo cun an si kho lo. Messi cu Barcelona ah kum hrabu chung biapi bik zaanglek pakhat a si. Goal an thun khawh nak ding ca zong ah amah ke chung ah um mi a si”

“Barcelona nih Messi an i bochan lo kan ti hmanh ah amah a tel nak Barcelona le amah a tello nak Barcelona cu tampi a thlau hringhran ko. Amah cu Barcelona ah tuhnu kum 5 tiang cu a celh khawh rih ko lai. Sihmanh sehlaw Barcelona nih Messi zaka caah a thabik zaanglek pakhat an i kawl cia a herh tiah” a chim.

#momolay

Add comment