2017-18 Premier League donghnak puai pawl an i zuam hlan ah Premier League kumkhat chung thiam bik laksawng cu Mohamed Salah nih a co than. Salah cu tukum chung ah Football Writers’ Association nih pek mi laksawng le PFA kumkhat chung thiam bik laksawng a la tu zong a si.

Salah nih tu laksawng cu Kevin De Bruyne, David de Gea, Harry Kane, Raheem Sterling le James Tarkowski hna cu lonh in a lak mi si. Mipi le pumpululh le thiamsang hna nih Salah cu laksawng pek dingin hnatlak pimi a si. Salah zong Liverpool a phakkum ah goal 30 leng thun khawh ding tiang in a ke tha mi si.

Tu ka hmuh mi kumkhat chung thiam bik laksawng cung ah “Ka tha nuam tuk, mah le mah lungsinak le thangthatnak zong ka nei” tiah Salah nih a chim.
Salah cu Premier League ah tukum lawng a rak celh mi si lo a luancia 2014 kum Chelsea club ah a rak i celh mi si. “Chelsea nawl ngei tu pawl nih hi ka hmun ah teinak na hmu kho lai lo tiah an rak ka ti. Mah bia cu ka lung chung ah a cam peng” tiah Salah nih a chim chap.


Salah cu Chelse club he puai 6 lawng tha te in a rak i chui kho. Liverpool tu ah cun puai 35 chung ah goal 31 tiang a thun kho mi a rak si.


Kum 25 a si cang mi Salah cu Premier League thlakhat chung thiam bik lak sawng zong November, December, February le March thla hna zong ah a rak hmuh hna.

 

#daily mail

Add comment