ONE Middleweight World Championship Champion Aung La N Sang he a vua tuding a rak chuak than cang. Brazil jiu-jitsu World Champion voi 5 tiang a hmu mi Leandro Ataides nih Middleweight Champion thing a si mi Vitaly Bigdash cu a tei caah a ralaimi June thla 29, Yangon ah tuah dingmi ONE Championship zuamnak ah tu lio Middleweight Champion a si mi Aung La N Sang he a vua ding an si.

Ataides cu Indonesia ram Jakarta ah tuahmi ONE: GRIT AND GLORY zuamnak ah Meddleweight Champion thing simi Bigdash cu round 3 nak ah a rak tei. Aung La nih cun Bigdash he ka vua than kho men tiah a rak i ruah na in tu ahcun Brazil rammi Ataides he a vua ding an si cang.


Aung La N Sang nih Leandro Ataides he a vuak ding kong lam he pehtlai in ka lung a ka hlauh pah. Cun Yangon khua ah a vua ding ka si caah mipi nih tha na kan pek a herh tiah Facebook ah hi tin ca a rak tial.


“Leandro Ataides he thongh ding puai caah ka lung a hlauh pah ko. Kan pahnih ning in kan cawlcangh ning le kan mi tei ning a lawh ruang ah ka lung a ka hlauh khun nak a si. Mah puai cu mipi lung a hlauh ngai ding puai zong a si te lai. June 29, Yangon Khua ka vuak ding puai ah a ho te dah an rat lai. Mipi caah a that khawh chung in ka zuam lai” tiah Aung La N Sang nih a ti.


Ataides nih Bigdash zong a tei caah a ralaimi puai cu Aung La caah Champion khamhkhawh  a harh ngai ding a si te lai.

#Akhayar

 

Add comment