Real Madrid Manager a si mi Zidane nih Neymar le Ronaldo cu hmunkhat ah a thabik in an i celh ti kho lai tiah a chim. Brazil star cu Real Madrid ah a ra kho ti mi thawngpang a chuak thluah mah. Neymar cu a luancia thal ah Barcelona in PSG ah Euro nuai 222 in a thial i Frience ram ah kumkhat a celh hnu ah Laliga ah kir than ka tim tiah Brazil a hawi le sin ah a rak chim tiah Spain new a si mi Mundo Deportivo nih an langhter.


Real Madrid cu a ralaimi May 26 ah Kive khua ah Liverpool he Champions League sil i cuh ding an si. Zidane nih Champions League final hlan ah thialkam nak kong pawl ka ruat rih lo tiah a chim. A ralaimi Champions League Final ah kum thum peh tiang sil thlir kho ding in timhtuahnak tu kan ngeih tiah a chim.Zidane nih “Tu lio kan chimh khawh mi hna cu hmailei kan i zuam ding puai caah lawng ah ka lung re thei. Champions League final a dih in a ralaimi kum ah zei dah kan tuah lai ti mi cu kan chimh than te hna lai. Tu ah cun kei mah nih Neymar kog he pehtlai in zei hmanh chim ka duh lo” tiah a chim.

Neymar Real Madrid a rak i thial ding thawng cu Real Super Star a si mi Ronaldo caah thawng pang chia a si kho tiah an chim mi kong ah bialehnak a tuah than. Zidine nih kei mah ka rak i celh lio zong ah Frience star a si mi Jogas he hmun khat ah a celh ti kho lai lo tiah an rak kan ruah.

“Zaanglek tha pawl cu hmunkhat ah an i celh ti kho ko. Kei mah caan lio zong ah mipi nih Frience team ah Jogas he hmunkhat ah an i celh ti kho lai lo tiah an kan ti. Sihmah sehlaw kan nih nih World Cup zong kan rak lak ti khawh. Cucaah zaanglek tha pawl cu a zungzal in hmunkhat ah an i celh ti kho ko” tiah a chim.


Brazil Star Neymar cu February thla ah a rak i khawndennak in dam lei a panh than cang. A ralaimi thla Russia ah tuah ding mi World Cup ah i tel khawh ding caah timhtuahnak a ngeih lio a si.

Add comment