Minung simi nih thinhunnak hi kan ngei dih cio hna . Thinhunnak nih palhnak , thinhunnak ruang ah ral sinak , thinhunnak ruang ah mi pakhat sunghnak , thinhunnak ruang ah thong tlaknak tibantuk tiang in a chuak , Thinhunnak tamtuk ngeih ahcun sunghding atam tuk . Cucaah kan thinhung tuk lio ah langh ter loin zeitindah kan i sum khawh lai .

(1) THinhunnak cu phisinnak asi lo tiin fimkhur tein ruah hmasa

Na thinhun bakin mah hi cu buainak phisin tu asi lo ,acaan ah thinhun tuk ruang ah palhnak kha tuah than lengmang lo ding asi . Cucaah lungchung in thinhunnak a chuah bakin , na khuaruah kha tthing hmasa . Adang in phisin khawhnak ding lam kawl piak . Silocun zeihmanh na tuah hlan ah cu hmun cun chuah tak ko . Fak piin thaw dawp piak . Thinhunnak zong duhsah tein atlau lai .

(2) Na thinhunnak kha ralring tein fim khawh i zuam

Micheu thinhun ahmang tukmi pawl khi i uangthlar ding ah an rel tawn . A caan ahcun kut thlak te pawl hna an i uang tawn . Atak ahcun thinhunnak cu i sum ding hi rak fawi te ko . A bikin mi fim cu an thinhunnak cu acaan zat hlan lo tiang an i uam kho . Fimnak a ngei lo deuh mi cu an thinhunnak an langh ter colh . Cucaah na thin hun tikah puitling sinak ding in i zuam aherh tuk .

(3) Tuahnak in langh khawhnak ding ah pakhat khat tuah

Na thinhunnak na sum khawh lo tuk ahcun mah hmun in chuah khawh colh i zuam . Na lungdamnak ding ah lam leng , lakphak dawr ah thu , a daihnak hmun ah kal , na thin an hun ter tu sinah kal colh loin hmun khat khat in hrial i zuam . Mah na tuah nak thawng in na thin a tum deuh lai . Thinhun loin kan i um ter cu kanmah ca asi tin ruah cia ding asi . Culawng siloin na chungkhar , fanu le fapa caah na kham piak chung hna asi tiin ruah cia cang .

နတ္စည္ေတာ္ (Shwemom)

source : huffingtonpost.com

Add comment