Real Madrid club i an zaanglek hlun a si mi Paul Breitner nih a ralaimi season ah vawleicung a mansang bik mi Neymar cu Real Madrid club nih an herh tuk mi zaanglek a si te lai tiah a chim.


Real Madrid president a si mi Florentino Perez nih Ronaldo cu Balon d’Or laksawng voi (5) tiang a lak cang. Neymar zong nih Balon d’Or laksawng hmuh a duh ahcun Real Madrid ah a rakrat ding si tiah a rak sawm bal. Cucaah Neymar le Real Madrid thialkam nak kong cu mipi nih ngiatthlai cio mi a si.


Real Madrid team i an hmaikal a si mi Benzema cu tukum goal a thun mi a tlawm deuh caah Real Madrid nih a ralaimi season ah Benzema zaka ah zaanglek cawk an i tim cang.
Barcelona team i celhti hawi a rak si mi Pique nih Neymar cu Vawlei cung zaanglek thiam cem mi laksawng hmuh duh ah Barcelona in a chuah nak a si tiah a ti. Real Madrid ah Neymar hlawh a thlin khawh nak ding caah bawmchan tu ding zaanglek minung thatha kan ngei hna tiah Florentino Perez nih a chim ruang ah Neymar cu Spain ah kir than dawh a si.


Neymar cu a khawn nak in damnak a hmuh than cang. PSG ah a celh ko na in vawlei cung thiam bik si ding caah cun PSG club cu na chuah tak hau tiah forhfial nak tampi a tong i Benzema zaka ah celh dingin thawngpang zong a chuah khun nak zong a si.


Neymar nih PSG a thial hnawh chan cu Champions League le a dangdang zuam nak ah teinak hmuh ka duh caah a si tiah a chim len ko nain Neymar le PSG cu Champions League ah Real Madrid nih an tei hna caah tuan ah an rak chuak. Neymar nih a ruahchan mi a chunmang a hlawhtlin nak ding caah le Breitner chim bang in Real Madrid nih Neymar cu an herh taktak mi zaanglek a si lai maw???

#goal.com

Add comment