Tuzan kawlram lei sumilam 1:15AM ah vawlei cung a thabik le zohnuamnbik tiah mipi nih ruah mi Barcelona le Real Madrid hna i El Clasico puai cu tu zaan ah an i zuam cang lai. Mipi nih theih cia a si bantuk in Barcelona nih tukum season ah Laliga Champion cu an co cang mi a si. Tutan an i zuamnak ding ah Barcelona caah zeiti paoh in result a chuah zong ah a poi ti lo.


Sihmanh sehlaw anmah club caah puaikhat hmah sungh lo timi tuanbia thar tial kho nak ding caah caan than an ngei. Nan theih cio bangin Barcelona cu Laliga ah puai (34) a zuam i puaikhat te hmanh an sung rih lo. Laliga ah puaikhat te hmanh sungh lo in champion si khawh nak ding caah Barcelona nih puai 4 lawng celh ding an nei cang. Tuzaan El Clasio ah Barcelona an sungh lo cun Laliga ah kumkhat chung sunghnak tong lo tein champion dirhmun ah tuanbia thar a tial khawh lai.


Tutan ah Real Madrid he an rak i ton cu an caah a poi tuk hringhran ko. Barcelona nih tuanbia tar tial an timh mi cu Real Madrid ruang ah a rawk kho mi si. Voikhat nak an rak i zuamah Barcelona nih 3-0 in an rak te hna. Tuzaan zong Real Madrid sin ah teinak hmuh ding in an rak i zuam than ko lai. Barcelona nih Real Madrid sin ah an sungh lo cun tukum Laliga ah puaikhat hmanh sung lo in champion a co kho ding dirhmun a phan ding an si.

#momolay

Add comment