Hngakchia nih a tang lei zia tha lo an i thanpi ahcun an nunchung ca tiang ah a sual khomi a si . Cu caah nu le pa lei in mah bantuk zia tha lo pa (3) an ngeih ahcun a si khawh chung in chimh hrin hna ding a si .

(1) Bochan duh tuknak , Tluak hman lonak , thil pakhat khat can zong ah nu le pa bawmh hal nak .

Image result for Child

Kan fa le cu kan dawt dih ko hna a sinain an upat pi tiang nu le pa le mahnak upa bochan duhnak lungthin an ngeih lonak ding kha a si . Thil buaimi pakhat khat a can tik ah tuaktan zuam lo , thluak hman ding zong ah tha thut nak kha a si kho . U pa a bochan tukmi hngakchia cu an lungthin a der deuh ko . Cu caah nu le pa lei in fa le nih nifatin an tuah tawnmi chung ah tam tuk bawmh lo ah a tha. Bianabia ah -hngakchia kha mah ten rawl ei ter ding , mah einak kheng fim ter , cun hngakchia kha
bia tampi in hal ding , hngakchia nih tampi khua an ruah khawhnak ding ah timhtuah piak ding . Hngakchia nih an mah tein thil a cang mi kha an tuaktan khawh nak ding ah tha pek ding . Cu ti na tuah ahcun duhsah tein a zumhnak a thang chin ko lai .

(2) An duhmi an ngah lo bakin thinhung colh, Thin tawi, Mi tiang velh hmannak

Related image

Hngakchia tlawmnak innchungkhar ahcun kha hngakchia lawng bak dawt dih le zoh thla mi si tik ah zeipoh a tlamtling nak in tuah piak dih a si . Cutikah tlawmpal te a duh lonak um cun au i tah, thin hung colh, mi tiang a velh hna . Nu le pa leiin an duhnak zulh ding tiang cu zulh ding si ko nain hngakchia nih thil pakhat khat kha an hngak khawhnak ding caah cawnpiak ding . Mi dang an sining zong ruah thiam ding le a mah duhnak lawng kha si loin mi dang duhnak zong kha a ruah khawhnak caah  cawn piak ding si .

(3) Zei tuah poh ah zuamnak lungthin tlawm tik ah le a hramthok zong um lo a donghnak zong um lo

Related image

A duh mi a tam mi hngakchia khi chim duhnak a si . Zei an tuah zong ah , lente a celh zong ah tha tein thawk ter i a dongh tiang te tuah ter ding a si . A dih in a dang tuah duh mi pakhat tuah ter ding a si . Bianabia-zuk suai seh law a suaimi a dih lawng ah a dang lente celh ter ding . Lentecelh khawh in TV zoh tibantuk in tuah piak ding a si . Voi khat lo ah tuah dih ding a si lo  kha cawnpiak ding a si. Zei tuah poh ah tha ten ruah i tuah kha chim duhnak cu a si .

Credit: Saya Aung Ko Latt

Add comment