” A tu na um /phaknak hmun na duh lo cun i thawn ko . Nang cu thin kung ban tukin a thawn kho lomi na si lo “Nangmah le nangmah kha thingkung ban tuk in na ruat bal maw? Um nak cia peng ah kir peng i zei tik hmanh ah thawn khawh lo in minih rak ti zong ah i in chih lenko cu zei tluk in dah a naumh lai lo . A sinain nang cu thinkung na si lo i na van tha tuk. Nang cu thingkung na si lo khah ! Ka sining a chia bak tin na zai lio ah khan zei khi dah na zuam deuh mi a um.

” Ka sining a chia kha bak ” timi bia hi kan chim lengmang mi le kan theih lengmang mi bia fang a si . Keimah zong nih ka rak chim lengmang mi bia fang a si ve nain a tu cu ka chim lonak hi a sau ngai cang. Mah bia chim cu zei dah nan ti men lai tha thut hruai tuk mi bia si .Mah bia kan chim khan teimaknak kan ngei hlei loh ahcun ning zak tu a si. Mah bia chim lengmang nakin thil pa khat tuah tik ah hawi nak in ka zuam deuh lai . Ni ni khat cu teinak hmu mi ka si hrim lai timi kha kan zumh awk deuh tu a si.

Kei zong English ka rak cawn lio ahhin thiam lo tak mi ka rak si ko nain nifatin te in mirang ca hi ti bantuk in ka rak din i a donghnak ahcun mi rang ca nih khan caan tha tam pi a ka pek khawh . Kei cu tangkaa tam pi ngei mi ka si lo nain ka nunnak ah hin teinak timi hi tangkaa in ka tah lo .Cu caah teinak ka hmu tiah ka ruah ko.
A tu lawng ahhin ka fiang ” ka sining hi a rak chiakha hrim lo ” zeihmanh ka rak tuah lo ruang pei si ko hi tiah ka fiang chin . Nang zong kha ban tuk bia chim a hmang mi nasi cun i thinh cang . Na chunmang kha mi va chim hna hlah .An hmuh khawhnak ding ah a tak in tuah i zuam . Na sining thlen khawh nak ding caah nangmah nawl lawng te a si.

Mi tampi nih hin hmai lei caah hin a tha bik si hi an duh cio si hmanhsehlaw hmailei i dawh seh ti duh ahcun a tu kan caan ahhin a tha bik in i zuam ding si ti kha mi tam pi nih kan philh tawn .A ra lai dingmi caan ah i dawh seh ti ahcun zeitik caan poh ah zuamnak te in tuah tuan kha a tha bik. A tu kan caan hi upat ah a tha bik . A luan cia caan zong dawh rem seh ti duh ahcun a tu caan hi a bia pi thiam ve. A tu kan caan a dawh ahcun zeihmanh phan ding a um lo.
Kan phaknak hmun poh ah kan i nuamh lo i zanfatin lung rethei in ruah len kha a hau ti lo . Phak kan duhnak hmun kha kan phak hlan tiang kan bia khiahnak cung ah fek ten dir khawh kha i zuam ding si . I zuamnak lungthin he na ni sunglawi kha liam ter ko . Na chunmang he duhsah ten na naih zuahmah cang ko lai.

 

  • သူစိတ္ဓာတ္က်တိုင္းဖတ္ဖို႔ Cakuat Chung In Lak Mi A Si

Add comment