Kan lung rawh cang ahcun zeihmanh kan tuah zuam ti lo. Rawl ei hmanh kan chung pil ti lo.Zei kan tuah zong ah kan zaang tlung ti lo. Kan lung rawh caan a sau deuh ahcun a zual chin chin. Caan tha tam pi kan liam ter tawn.Na lung thin cu na ngan damnak na ral rin bantuk in na zoh khenh ve a hau. Biana bia ah kan ngan damnak he a kaih lo mi ei ding le thil kan hrial bantuk kan lung thin a dam lo nak ding khan kan hrial ve a hau ko .

Kan pawng kam zong nih hin lugn re theihnak a kan pek kho ko . Cu caah kan lung rawk caan ah zei ban tuk nih dah lung retheihnak a ka pek ti kha tha ten cek hlat ah a tha. Cu hnu ah a fiang cun mah lung retheihnak pe tu kha a hram bak in chah kha i zuam ding si . Na lung rawh ngaihchiat nak cu na chungkhat ruang ah maw na rian tuan ti hawi ruang ah maw na duh dawt mi nu pa ruang ah maw mah vial te kha hloh khawh i zuam ding cu a si. Na lung rawk hrim hlah kan ti nak cu si lo.A za tawk in lung rawk caan cu a um ve ko . Cu hnu cun na lungthin chung in chuah dih ko.

 

Na Lung Rawh Lonak Ding Ah Na Theih Peng Ding Mi Cu

(1) Thai zing tiang ka nung lai timi hi a fiang lomi si i cu ruang ah tu chun te hi nuam ten hman i zuam ko.

 

(2) Nang mah pa khat lawng van chia mi na si lo . Vawlei cung ahhin a van chia mi hi tampi an um ve ko. An thatnak le an tlam tlinnak lawng te kha mi hmai ah cun langh ter an i zuam ko lai. A mui hmai panhmi na hmuh hna poh ah an i lawm tuk rua tiah va ruat hlah. Cu caah nangmah pa khat lawng na si lo kha thei peng ko .

(3) Na van tha tuk . A tlawm bik ah ca tal na rel kho. Na mit a that ruang ah si .Khua hmu lo pawl khi zawn ruat hna .Nangmah nak in a niam deuh pawl hi vawlei cung ahhin an tampi ti hi philh hrim hlah .

(4) A zungzal a tha bik in tuah khawh i zuam ko. Cu ti na tuahnak thawng in i thangthat ko . A zungzal tuah khawh ding cu a tha bik in tuah kha si ko. A si khawh lo ahcun na lung rawk hlei hlah. A tha bik na rak tuah khawh diam cang ko.

(5) A tu thawk in mirh le panh cang mu. Man ngei tukmi na lung thin kha zei si lo mi minung caah hmun hma pe hlah .

Na lungthin cu na pum bantuk si ko. Na ngandam lonak he a kaih lomi na ei lengmang ahcun na dam lai lo i sii ding piak i a dammi zong um lai sii chunh zong in a dam mi um lai tlop lo ahcun zawtnak ah a chuah i nunnak tiang a liam ko lai.

Cu bantuk in kan lung thin dam lonak ca kan ruah lengmang cun kan lung der lai i tuan ten kan thlop lo cun lung der zawtnak hna kan ngei lai i kan nunnak tiang zong a rawk kho lai. Cu ruang ah na lung thin kha nuam ten chia law tha ten i zoh khenh ko.

  • သူစိတ္ဓာတ္က်တိုင္းဖတ္ဖို႔ Cakuat Chung In Lak Mi A Si

Add comment