Tak ti ah cun kan thancho khawh lo cu kan hlawt khawh  lo mi a um ruang ah a si . A si kho bal lai lo timi lawng te kan i tlaih peng i a cheu cu an thih tiang in a tlaih peng mi an um . Zei tik hmanhah ka sin ah a rak kir than ti lai lo ti kan theih ko na buin ruahchan nak he kan lung thin tak in kan hlaw kho hrim lo. A ra lai i a cang ding mi ah khan zei hmanh a tha hnemmi a um lo. Cu kan i tlaih peng ruang ah kan thang cho kho lo.

Kan mah he a peh tlai ti lomi thilri pakaht khatkhat ah siseh mi nung zang ah si seh kan ta/co khawh ti lo dingmi thil cu kan sining chung in chuah i zuam ding si . Cu ti na tuah ahcun lung daihnak zong na humh lai i na thangcho deuh hrim hrim lai.Ngaihthiam khawh ding zong in i zuam . Na lung thin harnak pe tu bik cu mi remlonak le huatnak te khi si ko.

Na lung fah cu na mi remlo ruang te ahkhin si ko. Mi ngaihthiam khawh nak zong hi ngaih i zuam ko . A awl bakmi thil cu a si ve lo . A si nain vawlei cung ahhin a thil tha tuah hi a har cemmi si ve .Mah kong ruang ahhin lung rawk a phu maw ti zong kha tuaktan thiam ko . Na ngaihthiam khawh lo ahcun na nun chung mah na lungthin nih khan an temtawn peng ko lai .

Nungna helmei na si ko lai na nunning ah lawmhnak tak um kho lai lo.Ngaihthiam nak lawng nih na lung thin a lawmh ter khawh lai. A caan caan ahcun mi kaa khat ruang ah chunni tlak na lung nuam lo in na um tawn maw ? A bia pi cu mah bia ruang ah khan si loin na ruah lengmang ruang ah a thar in na thin hung than lengmang i si . A tu thawk in ngaihthiam khawh i zuam ko .A hlan nakin na lung dam in na nuam deuh hrim lai .
သူစိတ္ဓာတ္က်တိုင္းဖတ္ဖို႔ Cakuat Chung In Lak Mi A Si

Add comment