Real Madrid club ah coach a tuan mi Zidane nih Champion League Simi Final ah an ral a si mi Bayern Munich cu a thangthat hna i an mah he kan i tonnak ah a luan cia record pawl nih thathnem nak a chuah pi lai lo. Real Madrid le Bayern Munich cu Champion League semi final a voihnih nak cu Santiago Bernabeu Celtuar ah an i zuam than cang lai.

Image result for zidane images
Champion League kum (3) peh tiang lak dingin timhtuahnak a ngei mi Zidane nih Bayern Munich nih minutes (90) chung ah harnak tampi a kan pe kho tu ding zanglek minung thatha a ngei mi an si pin ah tih nung taktak mi zong an si fawn.Tu zaan kan i celh ding kong ah Zidane nih “Anmah nih Champion League semi final lonh in Final phak khawhnak ding ruahchannak tampi an nei rih. An nih cu a thawnglian mi an si pin ah zanglek minung thatha a ngei mi an si caah tih nung taktak an si fawn. Cun Bernabeu ah harnak zei hmanh pek lo in cun an kan um hrimhrim lai lo” tiah Bayern Munich cu a conglomh hna.


Real Madrid le Bayern Munich cu Champion League a hnubik voi (6) tiang a tong mi an si i Real Madrid nih an rak tei deuh hna. Bayern Munich cu Real Madrid he an i ton fa te inn a tin lenmangmi an si. Semi Final voi khat nak an i celh nak ah Real Madrid nih (1-2) in an rak tei hna.


“Goal tuan te in khumh khawh kan i zuam lai, a voi khatnak kan i celhh ah a thabik in kan rak i celh kho i, a tu zong a thabik in celh than ding in timhtuahnak kan ngei cang tiah” a chim chap. Real Madrid lei ah cun Carvajal lawng a khong mi a si.


“Ka nau le pawl cu (Substitution) a Yian ah thu hna hmanh seh law chuih ding caah ready tein timhcia an si dih ko. Thaizing caah timhtuahnak tlawm te lawng kan ngei cang i zei dah kan tuah khawh lai ti cu a rauh hlan an nan mit in nan hmuh te ko lai tiah” Zidane nih a ti.

Add comment