Barcelona nih an club caah a voi (25) nak Laliga Cup cu Dipotivo i an celhtuar ah teinak an hmu. Laliga Champion an si nak ah kumkhat chung sungh nak a tong bal rih lo. Chuih ding a tang rih mi puai (4) chung ah puaikhat hmanh an sungh lo ah cun tukum season ah voi khat hmanh sung lo tein Laliga ah record thar tial ding an si. Dipotivo Club he an i celhnak zong ah (2-4) in an teihna. Goal khat nak ah Cotinho nih a khumh i, Messi nih  Hat-trick a goal i an tei hna caah Barcelona club ah a um bal rih lo mi record thar an tial.

Dipotivo an coach a si mi Sidof nih Barselona he an i celh hlan ah Messi cu kan i ralrin taktak a herh ko tiah a rak Dipotivo he an i chuih ah Messi nih hat-trick a goal hna i Laliga ah goal (32) tambik a nei mi a si cang. Cun Golden boot laksawng ca zong ah M. Salah nak in goal tam deuh a nei cang. Laliga ah kum (7) chung goal (30) in a cung lei a goal hmasa mi record thar zong a tial chap.

A luancia zarh ah Barcelona nih Sevilla cu Copadeal Cup ah an rak tei i champion an rak hmuh caah tukum chung ah Sil pa (2) a co kho mi dirhmun a phak nak cu a si. An Club tuanbia ah avoi (8) nak sil pa (2) an co kum zong a si. Barcelona nih chuih ding a neih rih mi puai (4) ah Real Madrid, Villarreal, Levante le Real Sociedad hna hi an si. Tukum chung Barcelona i an goal mi pawl zoh than tik ah Half-time hnu lei lawng tein tei nak an hmu deuh. An coach a si mi Valverde i a mi thlen ning pawl a dik ruang ah Barcelona nih teinak an hmuh deuh nak hi a si.

Cun Messi zong Barcelona he Sil a co mi (32) a si ve cang i amah he celh ti hawi a simi Iniesta he sil (32) a hmu kho mi dir hmun ah an um. Tukum dih in cun Iniesta nih dinhtak a timh caah captain dirhmun in sil a co than hna a si cun Barcelona ah record thar a tial kho than ding dirhmun a si.


Messi le Iniesta nih an co timi sil pawl kan van langh ter chih.

Laliga Cup (9)
Copadea Cup (6)
Spain Super Cup (7)
Champion League Cup (4)
Intertional Champion Cup (3)
European Super Cup (3)

#Ref:Sport Myanmar

Add comment