A bik in kawl ram  mino tam uu cu zei dah na tinh tin kan hal hna seh law fiang ngai in ka chim kho lai lo . Kei mah pumpak zong ka si ve ko . Lung dongh thlu ding zong a si lo . Tang 10 kan kai lio zong ah zei dah na tinh an ka ti i chim awk ka thei ve lo .

Kai tinhmi cu ka thei lo nain tang 1o cu ka awng hrim lai ti cu zumhnak le tinh mi ka ngei .Kawl ram ahhin cun kan lung duhmi zong hi zalong ten kan tuah kho lo i kan chung khar si fah ruang ah maw tha petu le dirkamh tu ngeih lo ruang ah maw kan ram fim cawnnak a that lo ruang ah maw kan i tinhmi kha kan phan kho lo i kan caan vial te kan liam ter tawn . A si nanin har tuk ko na buin zuamnak ten teirial mi mino an tampi ve ko .

Mi ram dang cu an hngak chiat ten a tam uu cu tinhmi an ngei dih . Zoh chunh tlak ding mi fim thiam sang le hruai tu le POP hla sak thiam tam pi an um hlei ah nu le pa le pawng kam nih khan tha a pek tuk hna .Mah ti kan chim tikah fimthiam sang hna le nu le pa kha sual ka phawt nak hna kha si lo .

Nu le pa nih cun fa le caah cun a si khawh chung le a tha bik in an kan zuam piak ko . Kawl ram zong ah bo chan tlak mino hi tluk kan chuah khawh cu a za tuk ko . Si nain zei kan si lo le kan i tinhmi tlam tling lo tik ah nu le pa le kan ram lawng te sual kan phawt i zei tuah zuam lo in kan um ahcun mi thathu le zei si lo chin ah kan i chuah ko lai .

tinhmi ti mi hi a tlangpi in phun (2) in a um . Caan sau ca le caan tawi ca tin a um . Caan sau ca cu doctor , engineer te pawl sau deuh a caan pek hau pawl kha an si . Caan tawi ca cu kan i tinhnak hmun phak te kha a si . Caan tawi caah cun English holh hna thla thum chung cawn ding hei si law ka cawn chung ahhin ka zuam hrim lai i thiam ding hrim in le rian call tik zong ah interview zong awng ding bak in ka zuam lai ti tinh mi ngeih kha caan tawi ca zong si ko nan kan sining a kan thleng tu tak cu a si .

Caan tawi tinhmi nih a langh termi cu a tu kan caan ah hin a tha bik le kan caan sunglawi ten hman thiam kha a lang . Teinak na hmuh poh ah nangmah le nangmah kha thang that philh hlah.Na thiam ruang ah a tu teinak na hmuh kha si i teinak na hmuh tam deuh poh ah nangmah le nangmah zumhnak na ngei deuh lai i na ruah lo pi tiang in teinak na hmu chin ko lai .

Caan tawi tinhnak chung in caan sau ca zong kha ser in zuam ko . A sung na pek hlan poh cu na sung rih lo khah!Kum upa hngakchiat zong ah na tinhmi cu zei tik hmanhah thlah hlah . A tu thawk in zei na tuah poh ah a tha bik si kha i zuam ko .

  • သူစိတ္ဓာတ္က်တိုင္းဖတ္ဖို႔ Cakuat Chung In Lak Mi A Si

Add comment