Vawlei na nunnak ah na ngeih mi ah sungh zatlak nak tampi na tong maw ? Thil ri , nu le pa , hawikom , ruahchannak , rian , a phun phun ah sunghnak na tong maw . Asinain na lungdong hrim hlah !

Related image

Karkhat kalnak ding ah thazang um ti lonak maw , hi vawlei in chuah na duh caan , pakhat khat tuah duh zong ah hawi le caihpi awk ngaih lo caan maw , tiin kan hlam caan a tampi ko lai . Asinain keimah timi pumpak a um/nun chung poh cu hnangam ding asi .Kan sining cu kanmah nih kan i theih dih ko caah lungdongh ding pakhat hmanh a um lo .

Image result for Strength life

Ho poh nih sunghnak cu ton dih a si. Kan sungh zatlak ning hi a dang cio . A cheu cu nu le pa an sung , a chu kut /ke tlamtling loin an um , a cheu hawikom an sung , a cheu thilri an sung , a cheu dawtmi an sung , a phun phun an si hna .Asinain nangmah pumpak na sungh rih lo kha a biapi tuk .

Mah le mah sungh a pe mi cu zeizong te sungh si cang . Nun rih mi hi kan caah laksawng sunglawi pakhat asi . Mi kip nih caihphai nak , zeihmanh na si lo tiin an caihmi an um rih lai , asinain na caah lam kaupi a um rih ti kha philh hlah .

Kan nun chung poh ahcun kanmah tein hmai lei ca cu ser khawh asi . Kan tuah mi cung ah kan tep than ko lai . Midang cu va ti duh hna hlah . Kanmah tein kan kalnak lam teah kal peng ko sih , nangmah canai ah hohmanh nih an in kalpi lai lo .

Nunnak cu dohnak pakhat bantuk a si , na donghnak caan tiang doh a herh ko lai . Dohnak poh ah sunghnak a um bantuk in dohnak poh ah tei peng phung zong asi lo . Vawleicung sining asi . Remh awk tha ti lomi vanchiatnak cu sual phawt len nakin mah le mah kha tha bik in i timh i nunnak ah a tha bik ralkap tha si i zuam cio hna usih .

Related image

Credit; Minsayar

Add comment