Lungthin ruah nak tel lo in thluak lawng in a tuak mi cu an mah ca lawng an i ruah deuh i mi dang zawn cu an ruat deuh lo .Zei an tuah poh ah keimah caah zei dah a tang te hnga ti lawng deuh an ruat . An mah caah a sung ding cu an tuah zuam tuk lo . Mi zong nih rem tuk mi an si lo .Duh/dawtnak lei zong ah an mah ca lei ah an i tuak cia .

Thin lung  deuh a hmangmi nih cun mi nih nek le hlen kha an ing deuh ve . Mi hmai an khap lo , dawtnak an ngei i mi va zumh zong an i foih tuk . Cu ruang ah mi hlen an i huah lengmang. Cu ruangah thinlung le thluak hi cuai thlai thiam hau . A zung zal zong in a miak nak lawng te tuak ding si lo.  A zung zal zong in kan lungthin kha hmai sat ding si ve lo . A caan ahcun thluak zong nih tei ter ve a caan ahcun lungthin zong kha tei ter ve ding si .

Mi nung cu a palh kho lawng te kan si .  Palhnak zong hi remh khawh mi le remh awk tha lo tin pa (2) in an um ve . Na nun chung na chir ding le zeitik hmanh ah na remh khawh ti lo dingmi palhnak cu hrial ko .Ca fung hlohnak nih ca hang cu zeitik hmanh ah a hlo kho lo . A si khawh chung in na hloh ahcun cauk kha a tlek ko lai i zoh a dawh ti lai lo .

Cu ruangah bia na khiah hlan ah tha ten ruat hma sa . I rian ranh tuk hlah . Na thin hung lio ah bia khiahnak tuah hlah . Na lungthin kha hmai ah chia hlah . Cu ti ka ti ahcun thluak kha hmai ah ka chiahnak kha a si lo . A caan lak kha thiam ko . Tha ten na ruah hnu lawng ah biakhiahnak tuah kha a tha bik .

Lungthin le thluak a cuai thlai thiam mi si hram ko uh .

 

  • သူစိတ္ဓာတ္က်တိုင္းဖတ္ဖို႔ Cakuat Chung In Lak Mi A Si

Add comment