Minung sining ah tar le upat cu ton te ding mi a si . Duhsah tein kum le khua nih aphak tikah chungkhar ah upa , pi le pu , nu le pa tiin kan ngei cio hna . Cutikah fanu le fapa, tuu le fa nih kan pi le pu, nu le pa tar sin ah chim bak lo ding mi phun (5) a um .

(1) Mah hmanh hi maw na theih lo

Bia pakhat khat caih tikah upa ter hna nih an in hal tikah ” mah hmanh hi maw na theih lo ” tiin ti bak hna hlah , zeiruang tiah na ton mi le an ton mi kha van le vawlei tluk in a dan caah lungsau tein an fian khawh ding ah na chimhfianh hna lai .

(2) A si/ti hoi cuh !

A caan ah pi le pu , nu le pa nih na zuam lomi an i fial , cawnpiaknak bia an chim tikah , na duh lomi an tuah sual ah ” a si/ti hoi cuh ” tiin na let bak hna lai lo . Nangmah nih cun na chim i na philh ko zong ah an lung chung in a rak fak tuk kha philh hlah .

(3) Zeihmanh tuah hlah , dai tein um ko

Upa hna nih pakhat khat an tuah tikah ” zeihmanh tuah hlah , dai tein um ko ” timi hi ti hna hlah , zeihmanh thathnem lomi si hi an duh lo tuk mi a si . An tuah mi cung ah nuam tein an tuah khawh ding tu ah bawm hna .

(4) Kan chimh cang hme kha !

A caan ah na rak chimh mi pawl a philh i a chim/hal than lengmang tikah ” kan chimh cang kha ” tibantuk in na ti bak lai lo. A caan ahcun chim an duh mi hmanh an philh tawn, an kal cia nak zong an philh tawn kha theih piak peng hna .

Related image

(5) Ka lung na rawk , ka lung na dong

Mah biafang hi cu a tha lo tuk mi a si , na caah retheih le thilrit, khingrit si zong ah ” ka lung na dong tuk , ka lung na rawk ” timi bia cu chim bak lo ding a si. Mah bia nih hin an lung a fah ter tuk , lungder zawtnak tiang hmanh an ngei khomi a si .

Em Em (Shwemom)

Add comment