Chungkhar pakhat dirh hi a fawi lomi asi . Mising le mising i ton sitikah khuasaknak ah zia le za lei in , duhnak lei in kan duhnak a kalh mi a tampi . Pakhat le khat sining i khat lo , i umh hnu ah pakhat nih sawh ve lo , thinhunnak le uahnak ngeih peng , nang maw kei timi lungthin ngeih lengmang ahcun inchungkhar cu a fek kho lo . Cucaah a then dengmang mi nuva nan um ahcun hi hi rak rel ve hmanh ! a thar in rak thok law a tlamtling dih ko lai .

(1) Zawnruah piak

Pakhat le khat umti caan a sau ahcun pakhat le khat kong kha kan i thei deuh . Kan theih chin ahcun amah hmunhma ahkhan dir law theihthiam khawh a si . Mah hi kan theih ko buin zawnruah a um lo ahcun do tu pakhat si . Cucaah nangmah le nangmah kha i ruat . Cun amah zawn ah dir law ruah piak ve . Na mitchinh law a sining ah lut law zeitin a tuar ti kha ruah piak . Nangmah lei na tuar mi kha cu philh rih law amah lei ah ruat hmasa. Mah nih cun nan chungkhar anuamh ter deuh hrim lai .

(2) Theihthiam piak

Related image

I sik caan , buai caan ah pakhat dirhmun ah ruah piak hi a fawi lo . Asinain isik lio i ” na sining na ruah ning cu kan theihthiam ” ti cu ahar tuk ko, asinain mah bia na chimnak nih a lungthin tampi a dam ter ko lai . Mah na chimnak thawng in an ruah piak ve lai i chungkhar nuam nan si ko lai .

(3) Tlangtlak khawh i zuam

Chunkhar caan a sau ahcun nu lei in , pa lei in tlangtlaknak hi a zor thluahmah tawn . Dawtnak cu akal le kir in aum . Na tlangtlak ahcun nasinah an tlangtlak ve ko lai . A bik in rawlchuan a bat deuh caan ah laksawng pek, a bat tuk lio caan dawtnak tein kuh tibantuk hi tuah piak peng .

(4) Na hnatlak piak

A chimmi bia ah hnatlak pi , mah ruang ah alungthin ah lunghmuihnak in akhat lai i nan chungkhar a nuam ko lai .

(5) A cunglei /teinak in bia chim hlah

Related image

Innchungkhar kip ah ri , khiah mi , azataw, tuah hnga awk a um cio hna . Asinain na caah pakhat khat tuah tikah ” na tuah awk hme si cu ” timi bia chim hrim hlah . Cucaah chungkhar ah theihthiamnak a herh , bia i ruah aherh , buainak kha tha tein ruat hmasa aherh . Cu hnu ah a cung ah na tuah ding mi na tuah si ahcun na cung ah atuah than ko lai .

Hannwe Soe (Shwemom)

Add comment